Chwaraeon Cymru - Pobl Ieuainc Egïnol
Mae gan Chwaraeon Cymru ddwy raglen Pobl Ifanc Egnïol sy'n
cynnwys gwirfoddolwyr, athrawon ac arweinwyr ifanc ac sy'n helpu
pobl ifanc i ddod yn fwy egnïol.
Rhaglen Pobl Ifanc Egnïol - 5x60
Mae 5x60 yn rhaglen gynhwysol sydd wedi'i chreu i annog rhagor o
bobl ifanc o oedran ysgol uwchradd i gymryd rhan mewn
gweithgareddau corfforol a chwaraeon. Mae 5x60 yn cynnwys detholiad
o weithgareddau chwaraeon traddodiadol tebyg i Gampau'r Ddraig;
mae'r rhain yn cynnwys gweithgareddau a gaiff eu hyfforddi megis
tennis, badminton a sboncen, a gweithgareddau anffurfiol megis
tennis bwrdd, dawns, dawns codi hwyl a rhai gweithgareddau awyr
agored a gweithgareddau antur megis cyfeiriannu. Mae 5x60 yn ceisio
annog mwy o bobl ifanc nag erioed o'r blaen i gymryd rhan mewn
chwaraeon a gweithgareddau corfforol trwy gael gwared ar y
rhwystrau sy'n atal rhai rhag cymryd rhan. Fel rheol cynhelir y
gweithgareddau hyn ar safle'r ysgol uwchradd, a chânt eu harwain
gan hyfforddwyr gwirfoddol, Arweinwyr Chwaraeon a rhieni.
Rhaglen Pobl Ifanc Egnïol - Campau'r
Ddraig
Mae Campau'r Ddraig yn rhaglen weithgareddau gynhwysol i bobl
ifanc rhwng saith ac 11 oed. Mae'r chwaraeon canlynol yn rhan o
Gampau'r Ddraig: athletau, criced, pêl-droed, hoci, pêl-rwyd,
tennis, golff a rygbi. Ar gyfer pob camp sy'n rhan o Gampau'r
Ddraig ceir cyfres o gardiau gêmau a gweithgareddau a bag o offer
sy'n addas i bobl ifanc yn y grŵp oedran hwn. Mae'r cardiau gêmau a
gweithgareddau'n cynnig gweithgareddau graddedig sy'n cefnogi
gwaith datblygu sgiliau, gan arwain at fersiwn o'r gêm i blant,
sy'n cael ei gydnabod gan Gorff Llywodraethu'r gamp. Cynhelir
Campau'r Ddraig ar safleoedd ysgolion cynradd y tu allan i oriau
ysgol, a chaiff y rhaglen ei harwain gan drefnwyr gwirfoddol.
Chwaraeon Cymru ac Arweinwyr Chwaraeon y DU yn gweithio
gyda'i gilydd
Mae Arweinwyr Chwaraeon y DU yn Gorff Dyfarnu wedi'i reoleiddio
sy'n gweithredu yng Nghymru a'r DU ac yn Sefydliad Elusennol sy'n
darparu ystod o Ddyfarniadau a Chymwysterau yn ymwneud ag
Arweinyddiaeth.
Mae'r bartneriaeth rhwng Arweinwyr Chwaraeon y DU a Chwaraeon
Cymru wedi'i hen sefydlu, ac mae Chwaraeon Cymru wedi gofyn i'r
mudiad adolygu'r cwrs presennol ar gyfer Trefnwyr Pobl Ifanc
Egnïol.
Y cwrs presennol ar gyfer Trefnwyr Pobl Ifanc
Egnïol
Gall ymgeiswyr ddod yn Drefnydd Pobl Ifanc Egnïol trwy fynychu
cwrs undydd sy'n eu helpu i ddeall a chyflawni eu rôl; trefnu
gweithgareddau diogel, hwyliog a phwrpasol i bob person ifanc; a
gweithio'n gyffredinol yn unol ag amcanion ac athroniaeth y rhaglen
Pobl Ifanc Egnïol a nodau penodol y rhaglen y byddant yn ei
chyflwyno.
Y cwrs newydd ar gyfer Trefnwyr Pobl Ifanc
Egnïol
Nid yw cynnwys y cwrs wedi newid, ond bydd ymgeiswyr sy'n 12 oed
neu'n hŷn yn gallu cymryd rhan yn y cwrs hwn ac ennill Dyfarniad
Trefnydd Pobl Ifanc Egnïol, a gaiff ei ardystio gan Arweinwyr
Chwaraeon y DU ar ran Chwaraeon Cymru. Mae hynny'n golygu y bydd yr
ymgeiswyr yn cael cydnabyddiaeth ffurfiol am gwblhau eu cwrs, ac
mae'n golygu y byddant yn gallu defnyddio'r hyn a ddysgwyd wrth
gwblhau'r Dyfarniad Trefnydd Pobl Ifanc Egnïol i ennill cymwysterau
Lefel 1 a Lefel 2 sy'n cael eu cynnig gan Arweinwyr Chwaraeon y
DU.
Ceir rhywfaint o waith dysgu sy'n debyg yn y naill raglen a'r
llall, sy'n golygu y gall y Dyfarniad Pobl Ifanc Egnïol a
Chymwysterau Lefel 1 a Lefel 2 Arweinwyr Chwaraeon y DU weithio
ochr yn ochr â'i gilydd gan fwydo i mewn i Gontinwwm Arweinyddiaeth
Chwaraeon Cymru / Arweinwyr Chwaraeon y DU.
Pam y byddai'n fuddiol cynnal y rhaglenni Pobl Ifanc
Egnïol ochr yn ochr â rhaglenni Arweinwyr Chwaraeon y DU mewn
canolfannau
Byddai cynnal y rhaglenni Pobl Ifanc Egnïol ochr yn ochr â'r
rhaglenni Arweinwyr Chwaraeon y DU yn galluogi dysgwyr i
groesgyfeirio rhwng eu gwaith dysgu yn rhan o'r Dyfarniad Pobl
Ifanc Egnïol a'u gwaith dysgu yn rhan o gymhwyster Arweinyddiaeth
Chwaraeon - sy'n gymhwyster a gaiff ei gydnabod yn genedlaethol
sydd ar yr un fframwaith â chymwysterau BTEC ac NVQ.
Bydd Arweinwyr Chwaraeon y DU yn achredu'r canlyniadau dysgu
priodol o'r Dyfarniad Trefnwyr Pobl Ifanc Egnïol fel gwaith dysgu
blaenorol - sy'n golygu y gall y dysgwr ddefnyddio gwaith dysgu o'r
cwrs Pobl Ifanc Egnïol fel credyd wrth geisio ennill cymhwyster
arweinyddiaeth, sy'n mynd â hwy ymhellach ar hyd y Continwwm
Arweinyddiaeth.
Mae hynny'n golygu bod y dysgwr yn elwa trwy gael cyfle i ennill
cymwysterau ychwanegol.
Mae'r gymuned yn elwa oherwydd mae'n creu arweinwyr cymwys sy'n
gallu cynorthwyo â gweithgareddau a'u harwain mewn amrywiaeth o
leoliadau.
(Dylech gyfeirio at y dogfennau mapio ar y dudalen hon i
gynorthwyo â'r gwaith o gyflwyno'r rhaglenni hyn).
Mapping Documents
Please refer to the following Mapping Documents to assist in the
delivery of these programmes.
Yr hyn y mae angen ei wneud nesaf
- Download and print off the AYP Centre
Registration Form, complete it and return it to Sports Leaders
UK. You only need to do this once in order for your school, college
or club will to be registered as an Active Young People Organiser
Award delivery centre. You will then be allocated a centre number
for future use.
- You need to be trained and accredited by Sport Wales as an
Active Young People Organiser Award tutor, and need to be suitably
insured and covered to deliver the course.
- You can also register with Sports Leaders UK to run a sports
leadership qualification. Contact the Wales Foundation Manager for
guidance if required.
- Run your Active Young People Organiser Award for your
learners.
- Download and print off the AYP
Certificate Request Form, complete it and return it to Sports
Leaders UK.
- You will then receive certificates for your AYP learners and an
invoice for £2 per certificate.
- Continue to run your sports leadership course and on completion
complete the Learner Certificate Request Forms found in the learner
Record Of Achievements and return to Sports Leaders UK for
certificates to be issued.
Gallwch ddarllen rhagor am raglen Pobl
Ifanc Egnïol Chwaraeon Cymru.
